ଭାଙ୍ଗର ଆଂଦୋଳନର ସମର୍ଥକ ଡାକ୍ତର ରାତୁଲ ବାନାର୍ଜୀ ଓ ଅନ୍ୟ ଚାରିଜଣଙ୍କ ଗିରଫକୁ ନିନ୍ଦା ‘ ଗଣତାନ୍ତ୍ରିକ ଅଧିକାର ସୁରକ୍ଷା ସଂଗଠନ ’, ଓଡିଶା ଏଠାରେ ପଶ୍ଚିମବଙ୍ଗ ସରକାରଙ୍କ ଦ୍ଵାରା ଯେଉଁଭଳି ଦମନମୂଳକ ନୀତି ଆପଣାଇ ଭାଙ୍ଗର ଆଂଦୋଳନର ଦୃଢ ସମର୍ଥକ ତଥା ଜନ ସ୍ୱାସ୍ଥ୍ୟ ଆନ୍ଦୋଳନର ସଦସ୍ୟ ଡାକ୍ତର ରାତୁଲ ବାନାର୍ଜୀଙ୍କ ସମେତ ଚାରିଜଣଙ୍କୁ ଗିରଫ କାରାଗଲା ତାହାର ଦୃଢ ନିନ୍ଦା କରୁଛି । ରାତୁଲ ବାନାର୍ଜୀଙ୍କୁ ଗଲା ଏପ୍ରିଲ 08 , 2018 ତାରିଖରେ କଲିକତାର ବେଲଘରିଆ ଅଞ୍ଚଳରୁ ‘ ଦେଶ ଦ୍ରୋହ ’ ଓ ଅନ୍ୟାନ୍ୟ ଅପରାଧରେ ଗିରଫ କରାଯାଇଛି । ସେ ଶ୍ରମଜୀବୀ ସ୍ୱାସ୍ଥ୍ୟ ଉଦ୍ୟୋଗ ସହିତ ମଧ୍ୟ ଜଡିତ । ଗଲା କିଛି ବର୍ଷ ହେଲା ପଶ୍ଚିମବଙ୍ଗର ଦକ୍ଷିଣ 24 ପ୍ରଗଣା ଜିଲ୍ଲାର ଭାଙ୍ଗର ଅଞ୍ଚଳର ପାୱାର ଗ୍ରୀଡ କର୍ପୋରେସନର ପ୍ରସ୍ତାବିତ ଗ୍ରୀଡ ଷ୍ଟେସନ ପାଇଁ ପ୍ରଭାବିତ ହେବାକୁ ଥିବା 12 ଖଣ୍ଡ ଗ୍ରାମର ସ୍ଥାନୀୟ ଚାଷୀ ଓ କ୍ଷୁଦ୍ର ବେପାରୀ ପାୱାର ଗ୍ରୀଡ ସ୍ଥାପନ ବିରୁଦ୍ଧରେ ଲଢେଇ କରିଆସୁଛନ୍ତି । ଏଥିପାଇଁ ପଶ୍ଚିମ ବଙ୍ଗ ସରକାର ଦମନମୂଳକ ନୀତି ଆପଣାଇ ସ୍ଥାନୀୟ ବାସିନ୍ଦାଙ୍କୁ ଗିରଫ କରିବା ସହିତ ଗଲା ଜାନୁଆରୀ 14 , 2018ରେ ପୁଲିସ ଗୁଳି ଚଳାଇବା ହେତୁ ଦୁଇଜଣ ସ୍ଥାନୀୟ ବାସିନ୍ଦା ମୃତ୍ୟୁ ବରଣ କରିଛନ୍ତି ।          ଏହା ପୂର୍ବରୁ ସିପିଆଇ(ଏମଏଲ) ରେଡ ଷ୍ଟାର ଯେଉଁମାନେକି ଭାରତୀ...

ଜାମ୍ମୁ ଓ କାଶ୍ମୀର ରାଜ୍ୟ କଠୁଆ ଅଞ୍ଚଳର ଆଠ ବର୍ଷର ଝିଅର ଗଣଦୁଷ୍କର୍ମ ଓ ହତ୍ୟା ଘଟଣାକୁ ‘ ଗାସ ’ ର ନିନ୍ଦା   ‘ ଗଣତାନ୍ତ୍ରିକ ଅଧିକାର ସୁରକ୍ଷା ସଂଗଠନ , ଓଡିଶା ’ ଏଠାରେ ଜାମ୍ମୁ ଓ କାଶ୍ମୀର ରାଜ୍ୟ କଠୁଆ ଅଞ୍ଚଳର ଆଠ ବର୍ଷର ଝିଅର ଗଣଦୁଷ୍କର୍ମ ଓ ହତ୍ୟାରେ ସମ୍ପୃକ୍ତ ‘ ଭାରତୀୟ ଜନତା ପାର୍ଟି ’ ର ସଦସ୍ୟ ଓ ସ୍ଥାନୀୟ ପୁଲିସଙ୍କୁ ସେଠାର ସରକାର ଯେଉଁଭଳି ସମର୍ଥନ ଦେଇଚାଲିଛନ୍ତି ତାହାର ଦୃଢ ନିନ୍ଦା କରୁଛି । ଏହା ଆମକୁ ପଚାଶ ଦଶକର ସେହି ହୃଦୟ ବିଦାରକ ଭାରତ ପାକିସ୍ତାନ ବିଭାଜନ ସମୟର ଚିତ୍ରକୁ ନେଇ ସଦତ ହସନ ମଣ୍ଟୋଙ୍କ ପ୍ରସିଦ୍ଧ ଗଳ୍ପ “ ଖୋଲ ଦୋ ” କୁ ମନେ ପକାଇଦେଉଛି । ଏଭଳି ଅତ୍ୟନ୍ତ ଅମାନୁଷିକ ଓ ହୃଦୟବିଦାରକ ଘଟଣାକୁ ଚପାଇ ଦେବାଲାଗି ଯେଉଁ ଉଦ୍ୟମ କରାଯାଉଛି ତା ହା ନା ଗଣତନ୍ତ୍ର ପାଇଁ ଶୁଭ ନା କାଶ୍ମୀର ସମସ୍ୟାର ସମାଧାନ ଦିଗରେ କୌଣସି ପ୍ରକାରରେ ସାହାଯ୍ୟ କରିବ । ବାଳିକା ଜଣକ ଜଣେ ଆଦିବାସୀ ଯାଯାବର ମୁସଲମାନ ସଂପ୍ରଦାୟର ଯାହାର ପିତାମାତା ଘୋଡା ଓ ଛେଳି ପାଳନ କରି ନିଜର ଜୀବିକା ନିର୍ବାହ କରିଥାନ୍ତି । ହିନ୍ଦୁ ବହୁଳ ଜାମ୍ମୁ ଅଞ୍ଚଳରେ ଧର୍ମୀୟ ବିଦ୍ଵେଷ ହେତୁ ଅପରାଧୀମାନେ ଆଠ ବର୍ଷର ଝିଅକୁ ନିଜର ସହଜ ଲକ୍ଷ ମନେକରି ହିନ୍ଦୁ ମନ୍ଦିର ମଧ୍ୟରେ ସାତ ଦିନ କାଳ ଗଣଦୁଷ୍କର୍ମ କରିବା ପରେ ତଣ୍ଟି ଚିପି ହତ୍ୟା କରିବା କଦାପି ଏକ ସଭ୍ୟ ସମାଜର ଲକ୍ଷଣ ନୁହେଁ । ଦୁଃଖର କଥା ଯେ ନି...

‘ ଗଣତାନ୍ତ୍ରିକ ଅଧିକାର ସୁରକ୍ଷା ସଂଗଠନ ’, ଓଡିଶାର ଏକ ତିନି ଜଣିଆ ପ୍ରତିନିଧି ଦଳ ସମ୍ବଲପୁର ଜିଲ୍ଲା ରେଢାଖୋଲ ଏନଏସିର ୱାର୍ଡ ନମ୍ବର ପାଞ୍ଚ ଅନ୍ତର୍ଗତ କୁହି ଓ ପୋଡାବଲଙ୍ଗ ଗ୍ରାମକୁ ଗଲା 05 ଏପ୍ରିଲ 2018ରେ ଗସ୍ତ କରିଥିଲେ । ଉଭୟ ଗ୍ରାମରେ ଇତି ମଧ୍ୟରେ କିଡନି ଜନିତ ରୋଗରେ 20 ଜଣଙ୍କ ମୃତ୍ୟୁ ହୋଇସାରିଥିଲା ବେଳେ ଏବେ 10 ଜଣ ଗ୍ରାମବାସୀ ଉକ୍ତ ରୋଗରେ ଆକ୍ରାନ୍ତ ଅଛନ୍ତି । ଆମର ଦଳ ଭେଟି ଥିବା କୁହି ଗ୍ରାମର କିଡନି ଆକ୍ରାନ୍ତ ଅରୁଣ ମିର୍ଦ୍ଧା (ବୟସ 6୨) କୁହନ୍ତି , “ପ୍ରାୟେ 10 ବର୍ଷ ତଳେ ଜ୍ଵର ଓ ବାନ୍ତି ହେବା ହେତୁ ବୁର୍ଲା ମେଡିକାଲ କଲେଜକୁ ଘର ଲୋକ ନେଇଗଲେ । ସେଠାରେ ଡାକ୍ତର ରକ୍ତ ପରୀକ୍ଷା କରି କହିଲେ କିଡନି ଖରାପ ହୋଇଯାଇଛି । ସେବେଠାରୁ ମେଡ଼ିସିନ ଖାଉଥିଲି । ପ୍ରତିମାସରେ 3000 ରୁ 4000 ଟଙ୍କାର ମିଡ଼ିସିନ ଖାଇଲା ପରେ ଏବେ ଆର୍ଥିକ ଅସୁବିଧା ହେତୁ 10 ମାସ ହେଲା ମେଡ଼ିସିନ ଖାଇବା ବନ୍ଦ କରିଦେଇଛି । ” ଏକ ଏକର ଜମିରେ ଗୁଜୁରାଣ ମେଣ୍ଟାଉଥିବା ଅରୁଣ ମିର୍ଦ୍ଧା ଗଲା 2 ବର୍ଷ ହେଲା ବାର୍ଦ୍ଧକ୍ୟ ଭତ୍ତା ମାସକୁ ୩୦୦ ଟଙ୍କା ପାଉଛନ୍ତି ଓ ତାଙ୍କର ସ୍ତ୍ରୀ ଦିନ ମଜୁରୀ କରି ଘର ଚଳାଉଛନ୍ତି । ସେହିପରି କୁହି ଗ୍ରାମର ପୂର୍ଣ୍ଣଚନ୍ଦ୍ର ସାହୁ (35 ବର୍ଷ) ଗଲା 23 ମେ ’ 2017 ତାରିଖରେ କିଡନି ଅକାମି ହୋଇଯିବା ହେତୁ ମୃତ୍ୟୁ ବରଣ କରିଛନ୍ତି । ତାଙ୍କର ପତ୍ନୀ ମମତା ସାହୁ କୁହନ୍ତି , “ପ୍ରଥମେ ବା...